Эмоциялар. Сезімдердің мәні неде?

Описание

Өзіңді кінәлі сезінудің, мазасыздықтың, алаңдаудың немесе үміттің адам үшін қандай мағынасы бар? Бұл эмоциялар саған неден хабар береді? Эмоциялар адам өмірінде үлкен мәнге ие. Бұл – жағдайды бағалап, оған қалай жауап беру керектігінен хабар беретін жүйе. Алаңдау немесе мазасыздану зейініңді жинақтауға, оны белгілі бір нысанаға бағыттауға көмектеседі. Мақтаныш сезімі сені жаңа, күрделі бір дүниелерге жетелеуі мүмкін. Кінәлі сезіну қарым-қатынасыңа кедергі келтіретін ыңғайсыз жағдайды түзетуге талпынтады. Барлық эмоцияларың маңызды қызмет атқарады. Олар сені алға қойған мақсатыңа қарай жетелеп отырады. “Эмоциялар: Сезімдердің мәні неде?” кітабы болмысыңды тереңірек танып-түсінуге көмектеседі. Кітапта 15 тарау бар. Оның әрқайсысы белгілі бір эмоцияға арналған. Сонымен бірге кітапта өмірден алынған оқиғалар мен ғалымдардың зерттеулерінен мысалдар келтірілген. Тақырыпты тереңірек түсіну үшін автор әр тараудың соңында қосымша ақпарат беріп, қортындылап отырады.